പഠനം : ഗ്രാമത്തിന്റെ ജലവിതാനം

പഠനം : ഗ്രാമത്തിന്റെ ജലവിതാനം
പഠിക്കാം ഒരു ഗ്രാമത്തിന്റെ ജലരേഖ...
Related to my old post...
https://sujithes.blogspot.com/2019/09/blog-post_6.html


കോനിക്കര നേതാജി വായനശാലയുടെ ആഭിമുഖ്യത്തിൽ, ഗ്രാമത്തിന്റെ ജലരേഖ ഒരു പഠന പദ്ധതിയായി ആവിഷ്കരിച്ചു നടപ്പിലാക്കുന്നു.
നമ്മുടെ ഗ്രാമത്തിന്റെ ജലസ്രോതസ്സുകൾ, ജലവിതാനം, ഒഴുക്ക്, ജല സംഭരണികൾ എന്നിവ ശാസ്ത്രീയമായി പഠിച്ചു വാട്ടർ മാപ്പിംഗ് സ്കെച്ചുകൾ തയ്യാറാക്കുകയാണ് ആദ്യ ലക്ഷ്യം.
നമ്മുടെ നാട്ടിലെ യുവാക്കളെ പങ്കെടുപ്പിച്ചു കൊണ്ടാണ് ഈ പഠന പദ്ധതി ആവിഷ്കരിച്ചിരിക്കുന്നത്.
പ്രളയ സാധ്യത പ്രദേശമായ കോനിക്കര ഗ്രാമത്തിൽ, ഈ പഠനം പ്രളയ സമയത്തു ഗുണകരമായി ഉപയോഗിക്കാം എന്നതും ചർച്ച ചെയ്യുന്നു.
പഠനത്തെ സാങ്കേതിക അറിവുകളുടെ സംയോജിപ്പിച് Flood Alert System ഡെവലപ്പ് ചെയ്യാനും ഉദ്ദേശിക്കുന്നു.
ഇതിനായി വിവിധ കലാലയങ്ങളിലെ കംപ്യുട്ടർ സയൻസ് വിഭാഗങ്ങളും സംയുക്തമായി ഈ പടിപാടിയുടെ ഭാഗമാകും.
മാധവ് ഗാഡ്ഗിലിന്റെ പശ്ചിമ ഘട്ട റിപ്പോർട്ടും പഠന വിധേയമാക്കുന്നു.

ഈ പരിപാടിയിൽ പങ്കെടുക്കാൻ താല്പര്യമുള്ളവർ വായനശാല യുമായി ബന്ധെപ്പെടുക. ഏവർക്കും സ്വാഗതം.

Technology Connect with Campus Students (Vimala College, Thrissur)
FLOOD ALERT SYSTEM (IoT, Android)

Dec 26, 2019
10AM
Flood Alert System

ഈ പരിപാടിയുടെ ഉദ്ഘാടനം, തൃശ്ശൂർ വിമല കോളേജിലെ അസോസിയേറ്റ് പ്രഫസറായ ശ്രീകല ബാലഗോപാൽ നിർവ്വഹിച്ചു. കമ്പ്യൂട്ടർ സയൻസ് വിദ്യാർത്ഥികൾ പരിപാടിയിൽ പങ്കെടുത്തു.
സുജിത്ത് ഇ എസ്, ബിനു ഫ്രാൻസിസ് എന്നിവർ ടെക്നോളജി ക്ളാസുകൾ എടുത്തു. യുവത അംഗങ്ങളായ മിഥുൻ , ജിബീഷ് , അർജുൻ എന്നിവർ ചേർന്ന് ഗ്രാമത്തിന്റെ flood map വരച്ചു.

നേതാജി വായനശാല, ഗ്രാമത്തിന്റെ ജലരേഖകൾ പഠന വിഷയമാകുന്ന ഒരു project മാസങ്ങൾക്കു മുൻപേ തുടങ്ങിയിരുന്നു. അതിന്റെ blog വായിച്ച്, തൃശൂരിലെ Vimala College ലെ Computer Science department ആ ആശയം ഒരു innovative technology project ആയി kerala state level competition ന് അയച്ചു, and they have shortlisted from തൃശ്ശൂർ district. Young Innovative Projects ന്റെ finale യിൽ ഈ പ്രൊജക്റ്റ്‌ അവതരിപ്പിക്കുന്നതിനു മുൻപായി ഇന്ന് നേതാജി വായനശാലയിൽ ഈ പ്രോജക്ടിന്റെ discussion നടന്നു. ഒരുപക്ഷേ ഏതെങ്കിലും ഒരു വായനശാലയിൽ ഇത്തരത്തിലൊരു പ്രോഗ്രാം ആദ്യമായിരിക്കാം. സാങ്കേതിക മുന്നേറ്റങ്ങൾ ഗ്രന്ഥശാല പ്രസ്ഥാനത്തിന് കരുത്തു പകരട്ടെ...

XMas 2019

2019 December 24
7PM

NETAJI CARE

പെയിൻ & പാലിയേറ്റിവ് കെയർ യൂണിറ്റ് രൂപീകരണം

പ്ലാസ്റ്റിക്കിനെതിരെ ബോധവൽക്കരണം

#Change_Makers
ACTIVITY #2

(2019 സെപ്റ്റംബർ 11, മലയാള മനോരമ ദിനപത്രം)

2019 ഒക്ടോബർ 6
വൈകീട്ട് 5 മണിക്ക്

പ്ലാസ്റ്റിക് ക്യാരി ബാഗിന്റെ ദുരുപയോഗത്തിനെതിരെ അവബോധന പരിപാടി സംഘടിപ്പിച്ചു.
വീടുകളിൽ തുണി സഞ്ചി വിതരണം ചെയ്തു.
നാട്ടിലെ കടകളിൽ ചെന്ന് ബോധവത്‌കരണം നടത്തി, പോസ്റ്ററുകൾ പതിച്ചു.

ഗാന്ധി സ്‌മൃതി 150

2019 ഒക്ടോബർ 2
4 മണിക്ക്
മഹാത്മാ ഗാന്ധിയുടെ 150 ആം ജന്മദിന ആഘോഷങ്ങളുടെ
ഭാഗമായി നേതാജി വായനശാലയിൽ
"ഗാന്ധി സ്‌മൃതി 150" എന്ന പരിപാടി സംഘടിപ്പിച്ചു.

#ChangeMakers പത്രവാർത്ത

2018 സെപ്റ്റംബർ 19
മലയാള മനോരമ തൃശ്ശൂർ എഡിഷൻ
മെട്രോ മനോരമ പേജ് 3

Merit Award Day 2019

2019 SEPTEMBER 15 

11AM

 കോനിക്കര നേതാജി വായനശാലയുടെ Merit Award Day പരിപാടികൾ
രാവിലെ 11AM ന് ആരംഭിച്ചു.
തൃശ്ശൂർ ജില്ലാ പഞ്ചായത്ത്‌ അംഗം E.A.ഓമന ഉദ്ഘാടനം ചെയ്തു.
കോനിക്കര ഒന്നാം വാർഡിൽ SSLC, +2 പരീക്ഷകളിൽ
മികച്ച വിജയം നേടിയവർക്ക് മെറിറ്റ്‌ അവാർഡുകൾ വിതരണം ചെയ്തു. ഗ്രന്ഥശാല പ്രസിഡന്റ്‌ ഷാജ് കുമാർ അധ്യക്ഷത വഹിച്ചു.
വാർഡ്‌ മെമ്പർ പോൾസൺ തെക്കുംപീടിക ആശംസകൾ പറഞ്ഞു.
ഗ്രന്ഥശാല സെക്രട്ടറി സുജിത്ത് സ്വാഗതവും
ജോയിന്റ് സെക്രട്ടറി പ്രദീപ്‌ നന്ദിയും പറഞ്ഞു.

ഗ്രന്ഥശാല സെക്രട്ടറി #Change_Makers പരിപാടികൾ കോ-ഓർഡിനേറ്റ്  ചെയ്തു.
ChangeMakers അവർ തിരഞ്ഞെടുത്ത ആശയങ്ങൾ അവതരിപ്പിച്ചു.
കൂടാതെ ഗ്രാമത്തിന്റെ ജലരേഖ പഠന വിഷയമാക്കിയുള്ള പ്രവർത്തനങ്ങൾ തുടങ്ങാൻ തീരുമാനിച്ചു.

#Change_Makers BLOOD DONORS DIRECTORY

പല ആവശ്യങ്ങൾക്കായി പലപ്പോഴും രക്ത ദാതാക്കളുടെ സേവനം
നമുക്കാവശ്യമായി വരാറുണ്ട്. അവശ്യ സമയത്തു ദാതാക്കളുടെ ഒരു ലിസ്റ്റ് ഉണ്ടെങ്കിൽ അതൊരു ഗ്രാമത്തിന് തന്നെ ഒരാശ്വാസമാണ്. ഈ ഒരു ലക്‌ഷ്യം കൈവരിക്കാനായി നേതാജി വായനശാലയുടെ ആഭിമുഖ്യത്തിൽ #Change_Makers നാട്ടിലെ BLOOD DONORS' DIRECTORYവിപുലീകരിക്കാൻ തീരുമാനിച്ചു.

2019 September 13 

ChangeMakers ലെ കുട്ടികൾ പറഞ്ഞിരുന്നു, BloodDonors directory യുടെ data collection തുടങ്ങുന്ന കാര്യം, ഒന്ന് രണ്ടു പേർ വന്ന് തുടങ്ങുമെന്നെ കരുതിയുള്ളൂ. പക്ഷേ ഈ കുട്ടികൾ കിടു ആണ്. 7-8 പേരുള്ളൊരു ഗ്രൂപ്പ് ആയി വന്ന്,
അവർ Volunteer Badge ഒക്കെ ധരിച്, Printed Data Collection Form ഒക്കെയായി
നാട്ടിലെ വീടുകൾ തോറും കയറി Blood Donation Campaign Work ഉം,
Blood Donors Data Collection ഉം  ചെയ്തു.

തിരിച്ചു വന്നപ്പോൾ അവർ പറയാ, ഒത്തൊരുമിച്ചുള്ള ഈ പ്രവർത്തനം
നല്ല രസമായിരുന്നു എന്ന്‌.
ജാതിയുടെയും രാഷ്ട്രീയത്തിന്റെയും ലേബൽ ഒട്ടിക്കാതെ, നന്മയ്ക്കു വേണ്ടി ഈ കുട്ടികൾ നമ്മുടെ ഗ്രാമവഴികളിലൂടെ നടന്നു പോകുന്നത് ഒരു പ്രതീക്ഷയാണ്. നേതാജി വായനശാല അതിനൊരു നിമിത്തമായി. ഇനിയും ഒത്തിരി പ്രവർത്തനങ്ങൾ ഈ മിടുക്കർക്ക് ചെയ്യാൻ കഴിയട്ടെ, വായനശാല എന്നും കൂടെയുണ്ടാകും...

#Change_Makers
#NetajiVayanasala

#Change_Makers PART2 : LAUNCH

2019 Sepetember 15 ന് , നേതാജി വായനശാലയിൽ കുട്ടികൾ
ChangeMakers പ്ലാറ്റുഫോമിലൂടെ അവർ തിരഞ്ഞെടുത്ത വിഷയങ്ങൾ
സദസ്സിനു മുൻപാകെ അവതരിപ്പിച്ചു. കോനിക്കരയുടെ സാമൂഹിക സാംസ്കാരിക രംഗങ്ങളിൽ നന്മയുടെ പാതയിൽ ഈ കുട്ടികളും ഭാവിയിൽ ഉണ്ടാകുമെന്നൊരു സ്വയം ആടായാളപ്പെടുത്തൽ ആയിരുന്നു ഈ ചടങ്ങ്.

അവർ അവതരിപ്പിച്ച വിഷയങ്ങൾ ഇതാ:-

PLASTIC RECYCLE Volunteer : ALFRED PAULSON
WASTE MANAGEMENT Volunteer : DEVIKA ASHOK
BLOOD DONORS DIRECTORY Volunteer : RENJITH. C
PAPER PEN WITH SEED Volunteer : ANITTA RAJU
BLOOD DONATION Volunteer : ROSE MARY
SAVE ENVIRONMENT Volunteer : REEMA ROY
PLASTIC MANAGEMENT Volunteer : GEONA VARGHESE
ROAD SAFETY Volunteer : ALEENA. T. LIJU
SOCIAL WORK & RESPONSIBILITIES Volunteer : AGNA PAULSON
DRUG ADDICTION Volunteer : ANUKRISHNA
PHYSICAL HEALTH OF YOUTH Volunteer : AJITH. C
RAIN WATER HARVESTING Volunteer : RANJANA. C
LIFE STYLE DISEASES Volunteer : AGNA PAULSON

പുനർജനി 2019 @ നിലമ്പൂർ

2018 ലെ പ്രളയശേഷം നേതാജി വായനശാലയുടെ ആഭിമുഖ്യത്തിൽ 

പുനർജനി എന്ന പേരിൽ FLOOD RELIEF ACTIVITIES നടത്തിയിരുന്നു. 

ഈ വർഷയും 2019 ലെ പ്രയാനന്തരം നിലമ്പൂർ ഭാഗത്ത് വായനശാല 

കൈത്താങ്ങായി പ്രവർത്തിച്ചു. 

2019 ആഗസ്ത് 17 ന് ഗ്രന്ഥശാല പ്രവർത്തകർ പ്രളയ ബാധിത പ്രദേശങ്ങൾ അവിടെ പോയി സന്ദർശിക്കുകയും, 

data collection നടത്തുകയും ചെയ്തതിന്റെ അടിസ്ഥാനത്തിൽ 

മലപ്പുറം മമ്പാട് പഞ്ചായത്തിലെ ഗവ. LP  സ്‌കൂളിലെ കുട്ടികൾക്ക് 

ബാഗ്, കുട, പുസ്തകങ്ങൾ, വെള്ളക്കുപ്പി, പെന, പെൻസിൽ, ക്രയോൺ, 

കട്ടർ, റബ്ബർ എന്നിവയടങ്ങുന്ന കിറ്റുകൾ വിതരണം ചെയ്യുകയും ചെയ്തു.

2019 ആഗസ്ത് 23 

ഗ്രന്ഥശാല പ്രവർത്തകർ ആവശ്യമായ സാധനങ്ങൾ വാങ്ങി.
#Change_Makers 66 കുട്ടികൾക്കുള്ള സ്‌കൂൾ കിറ്റുകൾ തയ്യാറാക്കി.

2019 ആഗസ്ത് 24 രാവിലെ 6 മണിക്ക് നിലമ്പൂരിലേക്ക് പുറപ്പെട്ടു.

1. മേപ്പാടം LP സ്‌കൂൾ (21)

2. വടപുറം LP സ്‌കൂൾ (35)

3. നടുവക്കാട് LP സ്‌കൂൾ (10)

4. വീട്ടിക്കുത്ത് LP സ്‌കൂൾ (Bags Only)

ഒരു പത്തു പത്തരയോടെ  എല്ലാ സ്കൂളുകളിലുമെത്തി അവിടെ നമ്മൾ മുന്നേ വിളിച്ച് എല്ലാം സെറ്റ് ആക്കി വച്ചിരുന്ന അവിടുത്തെ പ്രധാന അദ്ധ്യാപകരുടെ കൈകളിൽ ആവശ്യമുള്ള സ്കൂൾ കിറ്റുകൾ ഏല്പിച്ച് ഉച്ചയ്ക്ക് ഒരു മണിയോടെ അവിടെ നിന്നുമിറങ്ങി... സ്കൂളുകളിലേയ്ക്ക് പോകുന്നതിന് സഹായത്തിനായി അവർ ഒരാളെ ഏർപ്പാടു ചെയ്തിരുന്നു... അതുകൊണ്ടു തന്നെ സ്കൂളുകളിലേയ്ക്ക് എത്തിപ്പെടാനുള്ള ബുദ്ധിമുട്ട് ഒഴിവായിക്കിട്ടി...

വടപുറം LP സ്‌കൂൾ

ശരിക്കും ഒരു വ്യത്യസ്തമായ ഒരനുഭവം തന്നെയായിരുന്നു എല്ലാവർക്കും... നമ്മൾ ആ കിറ്റുകൾ കൊണ്ടു ചെല്ലുമ്പോൾ അവിടുത്തെ അദ്ധ്യാപകരുടെ സ്വീകരണവും പെരുമാറ്റവും  ആ കുട്ടികളുടെ മുഖത്തുണ്ടാകുന്ന സന്തോഷവും പുഞ്ചിരിയും അവരുടെ സ്നേഹവും പറഞ്ഞറിയിക്കാൻ പറ്റില്ല... 

(നടുവക്കാട് LP സ്‌കൂൾ)

 "പ്രളയാക്ഷരങ്ങൾ" എന്ന പുസ്തകം അവിടുത്തെ സ്കൂൾ ലൈബ്രറിയിലേക്ക് സംഭാവന ചെയ്തു. നമ്മുടെ വായനശാലയുടെ സന്ദർശനത്തിന്റെ ഒരു അടയാളം ആ പുസ്തക റാക്കുകളിൽ മായാതെ കിടക്കട്ടെ...

മേപ്പാടം LP സ്‌കൂൾ

മുനീർ മാഷും മുരളി മാഷും ടോമി സാറും ജൗഷിറ ടീച്ചറും 

ഷേർളി ടീച്ചറും അസ്‌കർ സാറും പിന്നെ അന്നാട്ടിലെ കുറേ 

ആളുകളും സ്നേഹം അറിയിച്ചിട്ടുണ്ട്. 

കൂടെ ഉണ്ടായിരുന്നില്ല ഇല്ലെങ്കിലും, ദൂരെയുള്ള ഈ യാത്രയിൽ  മനസ്സുകൊണ്ട് അനുഗമിച്ച ഏവർക്കും ആ സ്നേഹത്തിന്റെ 

ഒരു പങ്ക് ഇവിടെ വയ്ക്കുന്നു, എടുത്തു കൊള്ളുക...

തിങ്കളാഴ്ച നമ്മൾ നൽകിയ പുസ്തകവും ബാഗും കുടയും ഒക്കെയായി 

ഈ കുരുന്നുകൾ സ്കൂളിൽ വരുമ്പോൾ അവരുടെ മുഖത്തെ 

പുതു പ്രതീക്ഷയിൽ നമുക്കോരോരുത്തർക്കും ഒരു കുഞ്ഞു പങ്കുണ്ട് എന്നറിയുക, സന്തോഷിക്കുക... 

മനസ്സു നിറഞ്ഞു കൊണ്ട് മടങ്ങിയെത്തുമ്പോൾ എല്ലാവരോടും നന്ദി മാത്രം... കൈ നീട്ടിയപ്പോൾ സഹായിച്ചവർക്ക് കൈ നീട്ടാതെ തന്നെ മുന്നോട്ട് വന്നവർക്ക് കണ്ടിട്ടും കാണാതെ പോയവർക്ക് ആഗ്രഹമുണ്ടായിട്ടും സഹായിക്കാൻ പറ്റാതെ പോയവർക്ക് ഇതിനോടകം തന്നെ അവരെ സഹായിച്ചവർക്ക് എല്ലാവരോടും നന്ദി മാത്രം...

ഈ അദ്ധ്യാപകരും, തഹസിൽദാറും, താലൂക് കോർഡിനേറ്റർ മാരുമാണ് ഈ സ്കൂൾ കിറ്റ് വിതരണം കോർഡിനേറ്റ് ചെയുന്നത്. ഇതുവരെ മമ്പാട് അടക്കം 6 പഞ്ചായത്തുകളിൽ 3000+ കിറ്റുകൾ നമ്മളെ പോലെയുള്ള സംഘടനകൾ വഴി എത്തിക്കാൻ ആയി. 

സുരാജു ചിപ്പനും ഷഹീറും കണ്ണൻ ചേട്ടനും കൂടെ യാത്രയിൽ ഉണ്ടായിരുന്നു.