വായിക്കുക വളരുക
📚
വൃക്ഷ തൈ വിതരണത്തിന്റെയും
പഠനോപകരണ വിതരണത്തിന്റെയും ഭാഗമായി കൂടെ പോയപ്പോഴാണ്
മരത്താക്കര CJM ഗവണ്മെന്റ് യു പി
(കോനിക്കര സ്കൂൾ)
സ്കൂളിലെ അദ്ധ്യാപകരെ പരിചയപ്പെട്ടത്.
പുത്തൂർ, പൊന്നൂക്കര, തൃക്കൂർ ഭാഗങ്ങളിൽ നിന്നാണ് ഇവിടുത്തെ കുട്ടികളിൽ അധികവും.
സ്കൂളിലെ ആകെ ഒരു കുട്ടിക്ക് മാത്രമേ വായനശാല അംഗത്വമുള്ളൂ എന്നറിയിച്ചതിനെ തുടർന്ന്, കോനിക്കര നേതാജി വായനശാലയിലേക്ക് ക്ഷണിച്ചിരുന്നു.
കഴിഞ്ഞ ദിവസം കുട്ടികൾ വായനശാലയിൽ വന്നിരുന്നു. വായനശാലയുടെ പ്രവർത്തന രീതികളും, പുസ്തകങ്ങളും കുട്ടികൾ പരിചയപ്പെട്ടു.
സ്കൂളിലെ എല്ലാ കുട്ടികൾക്കും നേതാജി വായനശാലയുടെ സൗജന്യ മെമ്പർഷിപ് card നൽകി, ഒരൊ പുസ്തകവും നൽകി.
എടുത്ത പുസ്തകത്തിന്റെ ആസ്വാദനം എഴുതി
നൽകുന്നവർക്ക് സമ്മാനവും നൽകും.
വായനമുറിയിൽ പത്ര മാസികകളും ആനുകാലികങ്ങളും കുട്ടികൾ പരിചയപെട്ടു, ചിലർ കുറച്ചു നേരം TV കണ്ടു,
കാരംസ് കളിച്ചു, ചെസ്സ് കളിച്ചു. വായനയുടെ മഹത്വത്തെക്കുറിച്ചും
വായന ശീലമാക്കുന്നതിനെക്കുറിച്ചും സംസാരിച്ചു.
കുട്ടികളും അദ്ധ്യാപകരും വായനശാല സന്ദർശനത്തിന്റെ
അനുഭവങ്ങൾ പറഞ്ഞു.
വായനശാല പ്രവർത്തകർ
അതിഥികൾക്ക് മധുരം നൽകി; ഇനിയും പുസ്തകങ്ങളോടൊപ്പം കാണാമെന്ന പ്രതീക്ഷയോടെ വിടപറഞ്ഞു...
