Thursday, October 11, 2012

ക്വിസ് മത്സരം: പത്രവാര്‍ത്തകളിലൂടെ

ക്വിസ് മത്സരം: പത്രവാര്‍ത്തകളിലൂടെ



കോനിക്കര നേതാജി വായനശാലയുടെ ആഭിമുഖ്യത്തില്‍, നമ്മുടെ നാട്ടിലെ കുട്ടികളില്‍ പത്രപാരായണവും വായനയും വളര്‍ത്തുന്ന തരത്തില്‍  "പത്രവാര്‍ത്തകളിലൂടെ" എന്നൊരു ചോദ്യോത്തര പരിപാടി മാസം തോറും നടത്തുവാന്‍ തീരുമാനിച്ചിരിക്കുന്നു. പ്ലസ്‌ ടു വരെയുള്ള വിദ്യാര്‍ത്ഥികള്‍ക്ക് ഇതില്‍ പങ്കെടുക്കാം. അതാതു മാസത്തെ ദിനപത്രങ്ങളില്‍ വരുന്ന വാര്‍ത്തകളെ ആസ്പദമാക്കിയായിരിക്കും ചോദ്യങ്ങള്‍. LP, UP, HS എന്നിങ്ങനെ പ്രത്യേകം വിഭാഗത്തില്‍ മത്സരങ്ങള്‍ ഉണ്ടായിരിക്കും. മത്സരത്തില്‍ പങ്കെടുക്കുന്നവര്‍ മുന്‍കൂട്ടി പേരുകള്‍ ലൈബ്രേറിയനെ ഏല്‍പ്പിക്കേണ്ടതാണ്.
ഈ പരിപാടിയുടെ ഉത്ഘാടനവും ആദ്യ മത്സരവും 2012 ആഗസ്റ്റ്‌ 19 ന് നടത്തുന്നതാണ്. ആഗസ്റ്റ്‌ 1 മുതലുള്ള പത്രവാര്‍ത്തകളാണ് ചോദ്യമായി തരുന്നത്.
--------------------------------------------------------------------
തിയ്യതി : 2012 ആഗസ്റ്റ്‌ 19
സമയം : ഉച്ചക്ക് 2 മണിക്ക്
വേദി : വായനശാല ഹാള്‍
--------------------------------------------------------------------
എല്ലാ വിദ്യാര്‍ത്ഥികളെയും ഈ പരിപാടിയിലേക്ക് സ്വാഗതം ചെയ്യുന്നു.
മത്സരത്തില്‍ പങ്കെടുക്കൂ, അറിവും സമ്മാനവും നേടൂ...
വായിക്കുക, വളരുക !


- സെക്രട്ടറി
നേതാജി വായനശാല, കോനിക്കര.



കൂടുതല്‍ വിവരങ്ങള്‍:



റിപ്പോര്‍ട്ട്‌:

സെമിനാര്‍ : സ്ത്രീകളും സമൂഹവും

സെമിനാര്‍ : സ്ത്രീകളും സമൂഹവും
2012 ഓഗസ്റ്റ്‌ 15, 2PM 


കോനിക്കര നേതാജി വായനശാലയുടെ ആഭിമുഖ്യത്തില്‍ 2012 ആഗസ്റ്റ്‌  15  ന്
വനിതകള്‍ക്ക് വേണ്ടി ഒരു സെമിനാര്‍ സംഘടിപ്പിച്ചിരിക്കുന്നു. സ്ത്രീകളും സമൂഹവും
എന്ന വിഷയത്തില്‍ സെമിനാര്‍ നടത്തുവാന്‍ നമ്മുടെ അതിഥിയായി വന്നെത്തുന്നത്
ശ്രീമതി ഡോ. E . സന്ധ്യയാണ്.
കാലിക്കറ്റ് സര്‍വ്വകലാശാലയിലെ കഴിഞ്ഞ വര്‍ഷത്തെ
ഏറ്റവും നല്ല അധ്യാപികക്കുള്ള അവാര്‍ഡ് നേടിയ ഇവര്‍ നല്ലൊരു കഥാകാരിയും നര്‍ത്തകിയുമാണ് .പുതുക്കാട് പ്രജ്യോതി നികേതന്‍ കോളേജില്‍ സ്ടാറ്റിസ്ടിക്സ് വിഭാഗം സീനിയര്‍ പ്രഫസറാണ്‌ ഡോ. E. സന്ധ്യ
ഈ പരിപാടിയിലേക്ക് എല്ലാ വീട്ടമ്മമാരെയും വനിതകളെയും ഞങ്ങള്‍ സ്നേഹാദരങ്ങളോടെ
ക്ഷണിച്ചു കൊള്ളുന്നു.

തിയ്യതി : 2015  ആഗസ്റ്റ്‌ 15
സമയം : ഉച്ചക്ക് 2 മണിക്ക്
വേദി : വായനശാല ഹാള്‍

ഏവര്‍ക്കും സ്വാഗതം!

-
സെക്രട്ടറി
നേതാജി വായനശാല, കോനിക്കര.

സ്വാതന്ത്ര്യദിന ആഘോഷങ്ങള്‍

സ്വാതന്ത്ര്യദിന ആഘോഷങ്ങള്‍ - 2012 ഓഗസ്റ്റ്‌ 15



കൂടുതല്‍ വിവരങ്ങള്‍ :







വാര്‍ഷികാഘോഷം

വാര്‍ഷികാഘോഷം - 2012 ജൂണ്‍ 9,10





കൂടുതല്‍ വിവരങ്ങള്‍ :

നാടകക്കളരി



"നേതാജിയില്‍ നാടകക്കളരിയുടെ മാമ്പഴക്കാലം."
2012 മെയ്‌ 9 ,10 ,11
-----------------------------------------------------------
അവധിക്കാലം കഴിഞ്ഞ് സ്കൂളില്‍ തിരിച്ചെത്തുമ്പോള്‍ കൊച്ചു 
കൂട്ടുകാര്‍ക്ക് പല വിശേഷങ്ങളും പറയാനുണ്ടാകും.
എന്നാല്‍ കൊനിക്കരയിലെ കുട്ടികള്‍ ഈ അവധിക്കാലം 
ഓര്‍ക്കുന്നത് അവര്‍ ആര്‍ത്തുല്ലസിച്ചു പങ്കെടുത്ത
ഒരു നാടകക്കാലരിയുടെ മാധുര്യത്തിലാവും. 



തൃശ്ശൂരിലെ ഗ്രേഡ് A  പദവിയുള്ള, കൊനിക്കരയിലെ 
നേതാജി വായനശാലയിലാണ് കുട്ടികള്‍ക്കായി
മൂന്നു ദിവസം നീണ്ടു നിന്ന നാടകക്കളരി സംഘടിപ്പിച്ചത്. 
തൃശൂരിലെ പ്രശസ്ത കലാകാരനായ
ശ്രീ സുരേന്ദ്രന്‍ ചെമ്പൂക്കാവാണ് ക്യാമ്പിന് നേതൃത്വം വഹിച്ചത്. 
മെയ്‌ 9 ,10 ,11  എന്നീ ദിവസങ്ങളില്‍ നടത്തിയ
ക്യാമ്പിലേക്ക് നാല്‍പ്പതോളം കുട്ടികള്‍ നാടക കലയുടെ 
ബാലപാഠങ്ങള്‍ ഗുരു മുഖത്ത് നിന്നും  പഠിക്കാന്‍ എത്തി.
കൊനിക്കരയുടെ പരിസര പ്രദേശങ്ങളില്‍ നിന്ന് പോലും 
കുട്ടികള്‍ ഉത്സാഹപൂര്‍വ്വം കേട്ടറിഞ്ഞെത്തി.


വേനലവധിയില്‍, പൊള്ളുന്ന ചൂടുള്ള പകലില്‍, വലിയൊരു 
മാവിന്റെ തണലില്‍ ഒത്തുകൂടിയ പ്രതീതിയായിരുന്നു
കുട്ടികള്‍ക്കൊക്കെ. കളരിയില്‍, മാസ്റ്റര്‍ ക്യാമ്പ്‌ 
അംഗങ്ങളെക്കൊണ്ട് തന്നെ സ്ക്രിപ്റ്റും ഡയലോഗും എഴുതിച്ചു;
മറ്റു ചിലര്‍ അത് അഭിനയിച്ചു ഫലിപ്പിച്ചു. 
ചേട്ടന്മാരും ചേച്ചിമാരും നാടകക്കളരിയുടെ പണിപ്പുരയില്‍
തിരക്കിട്ട് നടന്നപ്പോള്‍ ഒന്നുമറിയാത്ത കൌതുകത്തോടെ 
നോക്കി നിന്ന കുരുന്നുകളും ക്യാമ്പിന്റെ
ഹരമായി. അഞ്ചു വയസ്സുള്ള കുരുന്നുകള്‍ മുതല്‍ പ്ലസ്‌ ടു 
വരെയുള്ള കുട്ടികള്‍ ക്യാമ്പില്‍ ഒത്തുകൂടിയപ്പോള്‍
കളരിക്ക് നേതൃത്വം നല്‍കിയ സുരേന്ദ്രന്‍ മാഷിന് കഥാപാത്ര 
വൈവിധ്യങ്ങളുടെ മഴവില്ല് തീര്‍ക്കാന്‍ ഏറെ
പ്രയാസപ്പെടെണ്ടി വന്നില്ല.
വൈലോപ്പിള്ളി ശ്രീധരമേനോന്റെ "മാമ്പഴം" എന്ന 
കവിതയുടെ ദ്രിശ്യാവിഷ്ക്കാരം ഒരുക്കിയത്
ക്യാമ്പ്‌ കാനാനെത്തിയവരെയും അഭിനയ മുഹൂര്‍ത്തങ്ങളുടെ 
വിരുന്നൂട്ടി. മാമ്പഴത്തിലെ ഉണ്ണിയും അമ്മയും
മികച്ച കഥാപാത്രങ്ങളുടെ വരവറിയിച്ചു എന്നാണ് കാണികളുടെ 
സാക്ഷ്യം.
കൊനിക്കരയുടെ പ്രധാന ബസ്‌ സ്റ്റോപ്പ്‌ ആയ "നെല്ലിചോട്" 
ബസ്‌ സ്റ്റോപ്പ്‌ നെയും ഉള്‍ക്കൊള്ളിച്ച് കഥാഖ്യാനം
നടത്തിയപ്പോള്‍ അത് നാട്ടുകാര്‍ക്കെല്ലാം നവ്യാനുഭവമായി. 
അങ്ങിനെ ക്യാമ്പില്‍ പങ്കെടുത്ത കുട്ടികള്‍ക്കും
നാട്ടുകാര്‍ക്കും എന്നെനും ഓര്‍ത്തുവയ്ക്കാവുന്ന ദിനങ്ങള്‍ 
സമ്മാനിക്കാനായത്തിന്റെ ചാരിഥാര്‍ത്ത്യത്തിലാണ്
നേതാജി വായനശാല ഭാരവാഹികള്‍.

59  വര്‍ഷങ്ങളായി കൊനിക്കരയുടെ 
കലാ-സാഹിത്യ-സാംസ്കാരിക മേഘലയില്‍ നാടിന്റെ
ഹൃദയ ത്തുടിപ്പായി നിലനില്‍ക്കുന്ന ഈ സ്ഥാപനത്തിന് 
ഇന്നും യവ്വനമാണ് . കരുത്തുറ്റ കര്‍മ്മ ശേഷിയുള്ള
ഒരു പുത്തന്‍ യുവതയാണ് ഇന്ന് വായനശാലയെ 
മുന്നോട്ടു നയിക്കുന്നത്.
കലയെയും സാഹിത്യത്തെയും സംരക്ഷിക്കാന്‍ 
ശ്രമിക്കുന്നതോടൊപ്പം തന്നെ പുതുയുഗത്തിന്റെ മാറ്റങ്ങളെയും
ടെക്നോളജിയെയും നാടിന് പരിചയപ്പെടുത്തുന്നതിനായി 
ഇടയ്ക്കിടെ ഇവിടെ ചര്‍ച്ചാ ക്ലാസ്സുകളും പഠന ശിബിരങ്ങളും
സംഘടിപ്പിക്കാറുണ്ട്. ഒപ്പംകര്‍മ നിരതരായി ഒരുകൂട്ടം 
യുവാക്കളും ചേട്ടന്മാരും പിന്നെ വായനശാലയുടെ 
പഴയ പ്രവര്‍ത്തകരും കൂടെ തന്നെയുണ്ട്‌.
വായനശാലയും യുവാക്കളും ഉണരുമ്പോള്‍ നാടും ഉണരും 
എന്ന പ്രതീക്ഷയിലാണ് കൊനിക്കരക്കാര്‍.