Blood Donors Directory Campaign

കാരംസ് ടൂർണ്ണമെന്റ്

കോനിക്കര നേതാജി യുവത ആർട്സ് & സ്പോർട്സ് ക്ലബ്ബിന്റെ
ആഭിമുഖ്യത്തിൽ, ഗ്രാമത്തിലെ യുവാക്കൾക്കുവേണ്ടി
കാരംസ് ടൂർണ്ണമെന്റ് സംഘടിപ്പിച്ചു.

തിയ്യതി : 2017 ഡിസംബർ 10
സമയം ; ഉച്ചക്ക് 2 മാണി മുതൽ

ടൂർണമെന്റിന്റെ ഉദ്ഘാടനം, ഗ്രന്ഥശാല പ്രസിഡന്റ് ശ്രീ. ഷാജ് കുമാർ
നിർവ്വഹിച്ചു. കോനിക്കര ഗ്രാമത്തിൽ നിന്നും 16 ടീമുകൾ മത്സരത്തിൽ
പങ്കെടുത്തു.

വാശിയേറിയ അഞ്ച് റൗണ്ട് മത്സരങ്ങൾക്കൊടുവിൽ
താഴെ പറയുന്ന ടീമുകൾ വിജയിച്ചു.
വിജയികൾക്ക് ക്യാഷ് അവാർഡുകളും സമ്മാനങ്ങളും വിതരണം ചെയ്തു.

ഒന്നാം സ്ഥാനം: ബൈജു & ജെറിൻ
രണ്ടാം സ്ഥാനം: സച്ചിൻ & സൈജു
മൂന്നാം സ്ഥാനം: മൈക്കിൾ & സുബിൻ

#Support_Vayanasala_BloodDonors_Directory  എന്ന ഹാഷ് ടാഗ് മുൻനിർത്തി
സംഘടിപ്പിച്ച ഈ ടൂർണ്ണമെന്റിൽ പങ്കെടുത്ത എല്ലാവരും തന്നെ
രക്തദാതാക്കളായി വായനശാലയുടെ BLOOD DONORS DIRECTORY യിൽ
പേരുകൾ ചേർത്തു മാതൃകയായി.
ടൂർണ്ണമെന്റിൽ പങ്കെടുത്ത എല്ലാവർക്കും നന്ദി.

സെക്രട്ടറി
-9847956600 (സുജിത്ത്)

AUG 15 മെറിറ്റ് അവാർഡ് ദാനം

2017 ആഗസ്ത് 15

രാവിലെ 9AM 

പതാക ഉയർത്തൽ, ദേശഭക്തിഗാനം

 

രാവിലെ 11 AM

വിദ്യാഭ്യാസ മെറിറ്റ് അവാർഡ് വിതരണം :

2017 ആഗസ്ത് 15 നു സ്വാതന്ത്ര്യ ദിനാഘോഷവേളയിൽ 

കോനിക്കര ഒന്നാം വാർഡിൽ SSLC, പ്ലസ്-2 പരീക്ഷകളിൽ 

മികച്ച വിജയം കരസ്ഥമാക്കിയവരെ, വായനശാല  

മെറിറ്റ് അവാർഡുകൾ നൽകി ആദരിക്കുന്നു.

ശ്രീ. കല്ലിപ്പിള്ളി അയ്യപ്പൻ മെമ്മോറിയൽ അവാർഡ് (SSLC TOPPERS)

ശ്രീ. തെക്കുംപീടിക പൊറിഞ്ചു മെമ്മോറിയൽ അവാർഡ് (SSLC SECOND)

ശ്രീ. കൊടയ്ക്കാട്ടിൽ ഉഷസ്സ് മെമ്മോറിയൽ അവാർഡ് (PLUS TWO TOPPERS)

ചടങ്ങിൽ പങ്കെടുക്കുന്ന വിശിഷ്ടാതിഥികൾ :

1 . ഡോ . സോണിയ സണ്ണി 

കാലിക്കറ്റ് യൂണിവേഴ്സിറ്റിയിലെ ഏറ്റവും മികച്ച അദ്ധ്യാപികയ്ക്കുള്ള 

M.M GHANI അവാർഡ് ജേതാവ് - 2017,

ASSOCIATE PROFESSOR & HOD, DEPARTMENT OF COMPUTER SCIENCE,

VICE PRINCIPAL, PRAJYOTI NIKETAN COLLEGE, PUDUKAD, THRISSUR.

2. ശ്രീ. ബിജു പോൾ, 

സംസ്ഥാന വൈസ് പ്രസിഡന്റ്,
ALL KERALA WHEEL CHAIR RIGHTS FEDERATION (AKWRF)

3. ശ്രീ. ചെറാട്ട് ബാലകൃഷ്ണൻ 

സാമൂഹിക സാംസ്ക്കാരിക പ്രവർത്തകൻ 

4. ശ്രീ. പോൾസൺ തെക്കുംപീടിക 

തൃക്കൂർ പഞ്ചായത്ത് മെമ്പർ 

നേതാജി ബാലവേദി അംഗങ്ങൾ, ആർട്സ് & സ്പോർട്സ് ക്ലബ് 

അംഗങ്ങൾ എന്നിവർ അവതരിപ്പിക്കുന്ന കലാപരിപാടികളും 

ഉണ്ടായിരിക്കുന്നതാണ്.

സ്വാതന്ത്ര്യദിനം നമുക്കൊന്നായി ആഘോഷിക്കുവാനും 

അവാർഡിനർഹരായ വിദ്യാർത്ഥികളെ പ്രോത്സാഹിപ്പിക്കുന്നതിനും

വേണ്ടി ഏവരേയും ഈ ചടങ്ങിലേക്ക് സ്നേഹപൂർവ്വം 

സ്വാഗതം ചെയ്തുകൊള്ളുന്നു.

-സെക്രട്ടറി 

നേതാജി വായനശാല 

(Ph: 9847956600)

പഠന ക്ലാസ് : മഴവെള്ള സംഭരണം

മഴക്കാലം 2017 : പഠന ക്ലാസ്

"ഈ മഴക്കാലം, അതി ജീവനത്തിന്റെ കൊയ്ത്തുകാലം "

മഴവെള്ള സംഭരണം 

പ്രകൃതി പരിസ്ഥിതി സംരക്ഷണം

മണ്ണ് ,പുഴ, മലകൾ : സംരക്ഷണം 

അവധിക്കാല ക്യാമ്പ് : പ്രകൃതിയും നാട്ടറിവുകളും

വായനശാലയുടെ ആഭിമുഖ്യത്തിൽ
ബാലവേദി അംഗങ്ങൾക്ക് വേണ്ടി അവധിക്കാല ക്യാമ്പ്
സംഘടിപ്പിച്ചിരുന്നു.
പ്രകൃതിയെ തൊട്ടറിയുവാനും നാട്ടറിവുകൾ നേടുവാനും
ഗ്രാമത്തിലെ എല്ലാ കുട്ടികളെയും ഈ ക്യാംപിലേക്കു
സ്നേഹപൂർവ്വം സ്വാഗതം ചെയ്യുന്നു.

-സെക്രട്ടറി

PHOTOS

നേത്ര പരിശോധന ക്യാമ്പ്

2017 മെയ് 21
രാവിലെ 9 മണി മുതൽ ഉച്ചക്ക് 1 മണി വരെ.

ആരോഗ്യ ബോധവൽക്കരണ സെമിനാർ

2017 മെയ് 21
വൈകീട്ട്  4 മണിക്ക്
വേദി: നേതാജി കലാ സാംസ്കാരിക പഠന കേന്ദ്രം

ഏവർക്കും സ്വാഗതം

-സെക്രട്ടറി 

വനിതാവേദി

കോനിക്കര  നേതാജി വായനശാലയിൽ വനിതാവേദി രൂപീകരിച്ചു.
ഗ്രാമത്തിലെ വിവിധ തലങ്ങളിൽ പെട്ട വനിതകളെ
വായനശാലായുടെ കീഴിൽ ഒന്നായി അണിനിരത്തുന്ന ഈ
പ്ലാറ്റ്‌ഫോമിലേക്കു ഏവർക്കും സ്വാഗതം.
ഇനിയും വനിതാവേദിയുടെ അംഗത്വം എടുക്കാത്തവർ
എത്രയും വേഗം വനിതാവേദിയുടെ ഭാഗമാവാൻ
താത്പര്യപ്പെടുന്നു .

-സെക്രട്ടറി 

പുസ്തക പ്രദർശനം

2016 -17  വർഷത്തെ വാർഷിക ഗ്രാൻറ് ഇനത്തൽ
കേരള സ്റ്റേറ്റ് ലൈബ്രറി കൗൺസിലിൽ നിന്നും ലഭിച്ച
തുകയ്ക്ക്  വാങ്ങിയ പുതിയ പുസ്തകങ്ങളുടെ പ്രദർശനം
വായനശാല ഹാളിൽ സംഘടിപ്പിച്ചു.
2017  ഏപ്രിൽ 4 ശനിയാഴ്ച നടത്തിയ ലളിതമായ
ചടങ്ങിൽ ഗ്രന്ഥശാല പ്രവർത്തകരും, വായനശാല അംഗങ്ങളും,
ആർട്സ് & സ്പോർട്സ് ക്ലബ് അംഗങ്ങളും,
ബാലവേദി അംഗങ്ങളും പങ്കെടുത്തു.

റഫറൻസ് പുസ്തകങ്ങൾ, ഇംഗ്ലീഷ് പുസ്തകങ്ങൾ, കഥകൾ,
കവിതകൾ, ലേഖനങ്ങൾ, ആത്മകഥ, യാത്ര വിവരണം എന്നിങ്ങനെ
വിവിധ ശ്രേണിയിൽപെട്ട അഞ്ഞൂറിൽ ഏറെ പുത്തൻ
പുസ്തകങ്ങൾ വായനക്കാർക്കായി ഒരുക്കാനായതിൽ
ഗ്രന്ഥശാല കമ്മിറ്റിക്ക് അഭിമാനമുണ്ട്.
കുട്ടികൾക്കായി പ്രത്യേക പുസ്തക വിഭാഗവും ഇനി മുതൽ
ഗ്രന്ഥാശാലയിൽ ഒരിങ്ങിയിട്ടുണ്ട്.

ഏവർക്കും സ്വാഗതം !!!

സസ്നേഹം,
സെക്രട്ടറി 

MEDITATION CLASSES

കോനിക്കര നേതാജി വായനശാലയുടെ ആഭിമുഖ്യത്തിൽ
2017 ജനുവരി 28 , 29, 30 ദിവസങ്ങളിലായി
സൗജന്യ മെഡിറ്റേഷൻ ക്ളാസ്സുകൾ സംഘടിപ്പിച്ചു.
HEARTFULNESS മെഡിറ്റേഷൻ എന്നപേരിൽ നടത്തിവരുന്ന
ഈ കോഴ്സിൽ കുട്ടികളും, യുവാക്കളും , മുതിർന്നവരും പങ്കെടുത്തു.

തൃക്കൂർ ഗ്രാമപഞ്ചായത് ഗ്രന്ഥശാല നേതൃസമിതി കൺവീനർ
ശ്രീ ശിവദാസൻ ഈ പരിപാടിയുടെ ഉദ്ഘാടനം നിർവ്വഹിച്ചു.

HEARTFULNESS മെഡിറ്റേഷൻ സംഘടനയുടെ ഭാരവാഹികളായ
ശ്രീ സുബ്രമണ്യൻ, സീമ, മാലതി എന്നിവർ ക്ലാസുകൾക്ക്
നേതൃത്വം നൽകി.
മനസ്സിനും ശരീരത്തിനും പുത്തൻ ഉണർവ്വും ആരോഗ്യവും
സമാധാനവും പ്രദാനം ചെയ്യുന്ന ഈ മെഡിറ്റേഷൻ ക്ലാസ്സുകൾക്കു
ഗ്രാമീണരിൽ നിന്നും നല്ല പ്രതികരണമാണ് ലഭിച്ചത്.

ഈ മൂന്നു ദിവസത്തെ ക്ലാസ്സുകൾക്ക് ശേഷവും , ഫോളോ അപ്പ്
ചെയ്യാനായി എല്ലാ ആഴ്ചയും വ്യാഴാഴ്ച ദിവസങ്ങളിൽ വൈകീട്ട്
5 മണിക്ക് സൗജന്യ ക്ളാസുകൾ വായനശാല ഹാളിൽ വച്ച്
നടത്തി വരുന്നു.

നാട്ടുവെളിച്ചം

2017 ജനുവരി 28 നു വൈകീട്ട് 4 മണിക്ക്
ഗ്രാമത്തിലെ മുതിർന്ന പൗരന്മാരെ പങ്കെടുപ്പിച്ചുകൊണ്ട്
"നാട്ടുവെളിച്ചം" എന്നൊരു പരിപാടി സംഘടിപ്പിച്ചു.

ഉദ്ഘാടനം : ശ്രീ.ശാസ്ത്ര ശർമ്മൻ (താലൂക് ലൈബ്രറി എക്സി. അംഗം)


നാട്ടുപരിചയത്തിന്റെയും, ഔദ്യോഗിക കാലത്തെ
വിശേഷങ്ങളുടെയും, അനുഭവങ്ങളുടെയും,
നാട്ടറിവുകളുടേയും സംഗമവേദിയായ ഈ പരിപാടിയിൽ
ഗ്രാമത്തിലെ വിവിധ തലത്തിലുള്ള മുതിർന്നവർ സജീവമായി
പങ്കെടുത്തു. നാട്ടറിവുകളും നാടൻ പാട്ടുകളും വയോജന
വിഭാഗത്തിന്റെ പ്രയാസങ്ങളും പ്രതീക്ഷകളും പങ്കുവച്ചു.
പുതിയ തലമുറയിലെ യുവാക്കളും കുട്ടികളും അത്
കേട്ടിരുന്നു.

തലമുറകളെ ഒരിടത്തിൽ കൊണ്ടുവന്ന് സജീവമായൊരു
ചർച്ചക്ക് വേദിയൊരുക്കാൻ വായനശാലക്കു കഴിഞ്ഞതിൽ
ചാരിതാർഥ്യമുണ്ട്.

-സെക്രട്ടറി