വയോജനവേദി @ നേതാജി വായനശാല
നമ്മുടെ ഗ്രാമത്തിലെ വയോജനങ്ങൾക്ക് ഒത്തു കൂടാനൊരു വേദി ഒരുക്കുകയാണ് നേതാജി വായനശാല.
ജീവിതത്തിന്റെ സായാഹ്നത്തിൽ പലരും വീടുകളിൽ ഒറ്റപ്പെട്ടു പോകാറുണ്ട്; അസുഖങ്ങൾ ഉള്ളവർ,
മക്കൾ വിദേശത്ത് ഉള്ളവർ, നല്ലപാതി തനിച്ചാക്കി പോയവർ, മിണ്ടിയും പറയാനും കൂട്ടില്ലാത്തവർ...
അങ്ങനെയങ്ങനെ...
ഇവരെയെല്ലാം നേതാജി വായനശാല ക്ഷണിക്കുകയാണ്. ഇടയ്ക്കിടെ നമുക്ക് ഒത്തുകൂടാം, പരസ്പരം മിണ്ടാം, നാട്ടാരെ പരിചയപ്പെടാം,
നാട്ടു വിശേഷങ്ങൾ പങ്കു വയ്ക്കാം, ...
പുതുയ തലമുറയ്ക്ക് മുൻപേ നടന്നു വഴികാട്ടിയ നിങ്ങളെ ഞങ്ങൾ ആദരിക്കുന്നു,
നമ്മുടെ ഇടങ്ങളിൽ മുതിർന്നവരുടെ സാന്നിധ്യവും വേണമെന്ന് ആത്മാർത്ഥമായി ആഗ്രഹിക്കുന്നു.
ഈ ക്ഷണം സ്വീകരിച്ചു നമ്മുടെ ഗ്രാമത്തിന്റെ മുതിർന്നവർ നേതാജി വായനശാലയുടെ വയോജന വേദിയുടെ ഭാഗമാകുമെന്ന് പ്രതീക്ഷിക്കുന്നു.
ഈ വരുന്ന ഞായറാഴ്ച
2022 ജൂൺ 12 ന്
3:30 PM ന് വയോജനവേദിയുടെ രൂപീകരണം വച്ചിട്ടുണ്ട്, മുതിർന്ന പൗരന്മാരെയെല്ലാം സ്നേഹാദരങ്ങളോടെ ക്ഷണിക്കുന്നു.
വയോജന വേദിയുടെ ഭാഗമാകുന്നവർക്ക് ചെറിയൊരു മെഡിക്കൽ ക്യാമ്പും ഒരുക്കിയിട്ടുണ്ട്.
പങ്കെടുക്കുന്നവർക്ക് ഇനി മുതൽ എല്ലാ മാസവും ഈ മെഡിക്കൽ ചെക്ക് അപ്പ് സൗജന്യമായി വായനശാലയിൽ നിന്നും ലഭിക്കും.
