അക്ഷരദീപം

അക്ഷരദീപം : 2012 സപ്തംബര്‍ 14

2012 ലെ ഗ്രന്ഥശാല വാരാചരണത്തിന്റെ ഭാഗമായി "അക്ഷരദീപം"
പരിപാടി നേതാജി വായനശാല ഹാളില്‍ സംഘടിപ്പിച്ചു.
ഗ്രന്ഥശാലകള്‍ സ്ഥാപിതമായത്തിന്റെ ഓര്‍മ്മ പുതുക്കുന്ന വാരാചരണത്തിന്റെ
ഭാഗമായി വായനശാല അങ്കണത്തില്‍ പതാക ഉയര്‍ത്തുകയും സമ്മേളനം
കൂടുകയും ചെയ്തു. തൃക്കൂര്‍ പഞ്ചായത്ത്‌ വാര്‍ഡ്‌ മെമ്പര്‍ ശ്രീമതി ചന്ദ്രിക നന്ദകുമാര്‍
അക്ഷരദീപം കൊളുത്തി പരിപാടികള്‍ ഉത്ഘാടനം ചെയ്തു.
സമാഹരിച്ച പുസ്തകങ്ങള്‍ പ്രകാശനം ചെയ്തു. നമ്മുടെ നാട്ടിലെ സ്കൂള്‍
വിദ്യാര്‍ത്ഥിനി പാര്‍വ്വതി എഴുതി പ്രസിദ്ധീകരിച്ച കവിതകളുടെ സമാഹാരം
വായനശാല പ്രസിഡന്റ്‌ ശ്രീ രാജേഷ്‌ കുമാര്‍ പ്രകാശനം ചെയ്തു.
അതിലെ കവിതകള്‍ നേതാജി ക്ലബ് പ്രസിഡന്റ്‌ ശ്രീ അരുണ്‍
ആലാപനം ചെയ്തു.

ഗ്രന്ഥശാല പ്രസ്ഥാനത്തെ പറ്റിയും ശ്രീ.P N പണിക്കരെ പറ്റിയും,
വായനശാല സെക്രട്ടറി ശ്രീ സുജിത്ത് പ്രഭാഷണം നടത്തി. പഴയ കാലത്ത്
നിലനിന്നിരുന്ന മലയാളം അക്കങ്ങള്‍ എഴുതുന്ന സമ്പ്രദായവും
കുട്ടികള്‍ക്ക് പരിചയപ്പെടുത്തി.

 
അക്ഷര ദീപത്തില്‍ നിന്നും ചിരാതുകള്‍ കത്തിച്ച് കുട്ടികള്‍ വായനശാല
അങ്കണം പ്രഭാപൂരിതമാക്കി.
അതെ, അക്ഷരങ്ങളുടെ ഒരിക്കലും അണയാത്ത വെളിച്ചം
നേതാജി വായനശാലയില്‍ എന്നും നിലനില്‍ക്കും എന്ന്
ഓരോ ചിരാതിലെ തിരിനാളങ്ങളും വിളിച്ചു പറഞ്ഞുകൊണ്ടിരുന്നു.