അവാർഡ് വിതരണം

 

MERIT AWARD WINNERS (PLUS 2 & 10th)

ഗ്രന്ഥശാല ദിനാചരണം

September 14 : ഗ്രന്ഥശാല ദിനാചരണം ആഘോഷ പരിപാടികൾ

വായനശാല അങ്കണത്തിൽ പ്രസിഡന്റ് ജിജു കൗൺസിൽ പതാക ഉയർത്തി.

ലൈബ്രെറിയന്മാർ, ബാലവേദി അംഗങ്ങൾ, ഗ്രന്ഥശാല കമ്മിറ്റി അംഗങ്ങൾ എന്നിവർ ചേർന്ന് അക്ഷരദീപം കൊളുത്തി.

വാർഡ് മെമ്പർ ഹനിതാ ഷാജു അംഗത്വ വിതരണം  ഉത്ഘാടനം ചെയ്തു. 

സ്വാതന്ത്ര്യദിനം

 രാവിലെ 9 മണിക്ക്:

സെക്രട്ടറി സുജിത് ഇ എസ് സ്വാഗതം പറഞ്ഞു.

പ്രസിഡന്റ് ജിജു കെ എ ദേശീയ പതാക ഉയർത്തി, സ്വാത്ര്യദിന സന്ദേശം നൽകി.

വാർഡ് മെമ്പർ ഹണിത ഷാജു ആശംസകൾ അറിയിച്ചു സംസാരിച്ചു.

ബാലവേദി അംഗം അനന്യ പ്രസംഗം അവതരിപ്പിച്ചു.

ചടങ്ങിൽ പങ്കെടുത്തവർക്ക് സ്വാതന്ത്ര്യ ദിനത്തിന്റെ മധുരം വിതരണം ചെയ്തു.

ONLINE ഓണ വിപണി !

 നാട്ടുചന്ത 2021:

പ്രതീക്ഷകളുടെ ഈ ഓണക്കാലത്ത് കോനിക്കര ഒന്നാം വാർഡിലെ സംരംഭകർ ഉത്പാദിപ്പിക്കുന്ന സാധനങ്ങൾ വിൽക്കുവാൻ നേതാജി വായനശാല അവസരമൊരുക്കുന്നു.

🌼

കോവിഡിന്റെ ഈ ദുരിതകാലത്ത് കുഞ്ഞു വരുമാനങ്ങൾ പോലും കുടുംബങ്ങളിൽ ഓണനിലാവ് പരത്തും.

നിങ്ങളുടെ അദ്ധ്വാനം കൊണ്ട് ഉണ്ടാക്കുന്ന വസ്തുക്കൾ, മൂല്യ വർദ്ധിത ഉത്പന്നങ്ങൾ, കാർഷിക വിളകൾ, ഓണ പലഹാരങ്ങൾ, വസ്ത്രങ്ങൾ.... അങ്ങനെ എന്തും ഈ വിപണിയിൽ കൊണ്ടുവന്നു വിൽക്കാം.

നമ്മുടെ നാട്ടിലെ ചെറുതും വലുതുമായ സംരംഭകർക്കൊരു അവസരമാണ് നേതാജി വായനശാല ഒരുക്കുന്നത്, ഒരു പ്രൊമോഷനും പബ്ലിസിറ്റിയും ഇതുവഴി അവർക്ക് ലഭിക്കുകയും ചെയ്യും.

വ്യക്തികൾക്കും, കുടുംബശ്രീ പോലുള്ള യൂണിറ്റുകൾക്കും ഈ അവസരത്തിലേക്ക് സ്വാഗതം.

വിപണനത്തിനുള്ള സൗകര്യങ്ങൾ വായനശാല സൗജന്യമായി ഒരുക്കിത്തരുന്നതായിരിക്കും.

ഓണവിപണിയുടെ ഭാഗമായി കോനിക്കരയിലെ ചെറു സംരംഭകർ വായനശാലയിൽ രജിസ്റ്റർ ചെയ്തിട്ടുണ്ട്.

വില്പനക്ക് തയ്യാറായിട്ടുള്ള ഉത്പന്നങ്ങളും വില്പനക്കാരുടെ വിവരങ്ങളും ഇതാ ഇന്നു മുതൽ ഇവിടെ അറിയിച്ചു തുടങ്ങുകയാണ്.

നമ്മുടെ നാട്ടിലെ സംരംഭകരെ നമുക്കാവും വിധം സാധനങ്ങൾ വാങ്ങി പ്രോത്സാഹിപ്പിക്കാം. ഇവിടെ കൊടുത്തിട്ടുള്ള ഫോൺ നമ്പറിൽ വിളിച്ചും, WhatsApp ചെയ്തും വില്പനക്കാരുമായി ബന്ധപ്പെടാവുന്നതാണ്. Online ഓർഡർ ഫോം submit ചെയ്തും ഓർഡറുകൾ അറിയിക്കാം, സംരംഭകർ നിങ്ങളെ തിരികെ വിളിച്ചു കച്ചവടം ഉറപ്പിക്കും.

ഈ online വിപണി തികച്ചും സൗജന്യമായി ആണ് സംരമ്പകർക്കു വായനശാല ഒരുക്കുന്നത്. കമ്മീഷനോ മറ്റോ ഇല്ല.

ഇതൊരു എളിയ ശ്രമം മാത്രമാണ്. കോവിഡിന്റെ കാലത്ത് ഇടനിലക്കാർ ഇല്ലാതെ ഉത്പന്നങ്ങൾ ഉപഭോക്താവിന്റെ കൈകളിൽ എത്തിക്കാൻ ഒരു ശ്രമം. ഉത്പന്നങ്ങൾ വിറ്റഴിക്കാൻ നേതാജി വായനശാല ഒരു നിമിത്തം ആകുന്നുവെങ്കിൽ അതൊരു സന്തോഷം...

അപ്പൊ കച്ചവടം തുടങ്ങട്ടെ.!

കടന്നു വരൂ

കടന്നു വരൂ

കടന്നു വരൂ

വിത്തും കൈക്കോട്ടും

നേതാജി വായനശാല പ്രവർത്തകരുടെ കൃഷിയിടം, കുട്ടികൾക്കും കൃഷി രീതികൾ കണ്ടു മനസ്സിലാക്കാൻ അവസരം ഒരുക്കിയിട്ടുണ്ട്.

നേന്ത്രവാഴ കൃഷിക്ക് പുറമേ പച്ചക്കറികളും കൃഷി ചെയ്യുന്നുണ്ട്. 

പയർ , വെണ്ട, വഴുതന, മുളക്, തക്കാളി, വെള്ളരി

കുമ്പളം, മത്ത, ചുരക്ക, മഞ്ഞൾ, കാവത്ത്, കൊള്ളി,...

🌱

ഇവയുടെ വിത്തും തൈകളും പാവി മുളച്ചു വലുതായി തുടങ്ങിയിട്ടുണ്ട്. കുട്ടികൾക്കും മുതിർന്നവർക്കും കൃഷി രീതികൾ വന്നു കാണാനും മനസ്സിലാക്കാനും അവസരമുണ്ട്. 

പരിസരത്തുള്ള വീടുകളിൽ നിന്നും കുട്ടികൾ മാതാപിതാക്കളോടൊപ്പം

സാമൂഹിക അകലം പാലിച്ചുകൊണ്ട് കൃഷിയിടത്തിൽ വരുന്നുണ്ട്.

താല്പര്യമുള്ളവർക്ക് മുൻകൂട്ടി അറിയിച്ചു ഇവിടെ വരാവുന്നതാണ്.

വിത്തുകൾ പാവി മുളക്കുന്നത് മുതലുള്ള കാര്യങ്ങൾ കണ്ടു പഠിക്കാം, തൈകൾ കണ്ടു മനസ്സിലാക്കാം, മണ്ണിൽ ഇറങ്ങാം, ഇലകളും പൂക്കളും കായ്കളും തൊട്ടറിയാം,...

എല്ലാ പച്ചക്കറി ചെടികളും കണ്ടു അവ ഏതാണെന്നു കൃത്യമായി പറയുന്നവർക്ക് സമ്മാനവും നൽകും.

ശനി ഞായർ ദിവസങ്ങളിൽ ഇവിടെ വരാൻ താല്പര്യമുള്ളവർ ലൈബ്രെറിയനെ അറിയിച്ചാൽ, വരാവുന്നതാണ്.

നേതാജി വായനശാല കമ്മിറ്റിയംഗം പ്രദീപും, സെക്രട്ടറി സുജിത്തും ചേർന്നാണ് കൃഷി ആരംഭിച്ചത്.

ഡെയ്‌സി ചേച്ചിയാണ് സൗജന്യമായി കൃഷി ചെയ്യാൻ താത്കാലികമായി ഈ ഭൂമി നൽകിയത്.

വായനശാല പ്രസിഡന്റ് ജിജുവും മറ്റ് കമ്മിറ്റി അംഗങ്ങളും പിന്തുണയുമായി കൂടെയുണ്ട്.

കോനിക്കരയിലെ എല്ലാ വീടുകളിലും കൃഷി എന്ന ആശയവുമായാണ് നേതാജി വായനശാല ഇത്തരം സംരംഭങ്ങളുമായി മുന്നോട്ടു വന്നിരിക്കുന്നത്.

സ്ഥലം ഉള്ളവർ ഇതുപോലെ കൃഷി ചെയ്യാൻ താല്പര്യമുള്ളവർക്ക് നൽകിയാൽ കൂടുതൽ കൃഷിയിടങ്ങൾ നമ്മുടെ നാട്ടിൽ ഉണ്ടായേക്കും. കൂടുതൽ യുവകർഷകരും കോനിക്കരയ്ക്ക് സ്വന്തമാകും.

നാമെല്ലാം പ്രയത്നിച്ചാൽ പച്ചക്കറികൾ സ്വയം ഉത്പാദിപ്പിക്കുന്ന ഒരു ഗ്രാമമായി കോനിക്കരയ്ക്ക് മാറാനായേക്കും.

🌿

സായാഹ്ന സെമിനാർ

പെൺ ജീവിതത്തിന്റെ കരുതലുകൾ

നേതാജി വായനശാലയുടെ ആഭിമുഖ്യത്തിൽ,

സ്ത്രീ സുരക്ഷയുമായി ബന്ധപ്പെട്ട്  സായാഹ്ന സെമിനാർ.

ജൂലായ് 17 ശനിയാഴ്ച

വൈകീട്ട് 7:30 ന്

@Google Meet

ഓൺലൈൻ ആയി നടത്തുന്ന ഈ സെമിനാറിൽ,

സ്ത്രീ പുരുഷഭേദമന്യേ ഏവരും പങ്കെടുക്കണമെന്ന് അഭ്യർത്ഥിക്കുന്നു.

വനിതാവേദി, നേതാജി വായനശാല 

ഫുട്‍ബോൾ പ്രവചന മത്സരം

 

നേതാജി വായനശാല, യുവത ആർട്സ് & സ്പോർട്സ്  ക്ലബ്ബ് 

ഫുട്‍ബോൾ പ്രവചന മത്സരം 

വായനശാലയുടെ ഗ്രൂപ്പിൽ ഇടുന്ന ഗൂഗിൾ ഫോമിൽ 

നിങ്ങളുടെ പ്രവചനങ്ങൾ 2021 July 10 രാത്രി 10 മണിക്ക് 

മുൻപായി അയച്ചു തരിക, കൃത്യമായി പ്രവചിക്കുന്നവരിൽ 

നിന്നും നറുക്കെടുപ്പിലൂടെ തെരഞ്ഞെടുക്കുന്ന വിജയിക്ക് 

സമ്മാനം നൽകുന്നതാണ്.

പങ്കെടുക്കൂ സമ്മാനം നേടൂ ...

ആകെ 78 പേർ പങ്കെടുത്തു.

കോപ്പയിൽ അർജന്റീനയും യൂറോയിൽ ഇഗ്ലണ്ടും 

കപ്പുയർത്തുമെന്നാണ് കോനിക്കരക്കാരുടെ ഭൂരിപക്ഷം പറയുന്നത്.

പക്ഷേ ചതുരത്തിൽ കുമ്മായം വരച്ചു തീർത്ത കളത്തിലെ യഥാർത്ഥ പോരാട്ടത്തിനായി നമുക്ക് കാത്തിരിക്കാം...

⚽

ആര് ജയിച്ചാലും അത് കായിക ലോകത്തിന്റെ വിജയമായിരിക്കും.

പ്രവചന മത്സര വിജയിയെ യുറോ ഫൈനലിനു ശേഷം പ്രഖ്യാപിക്കുന്നതാണ്...

----------------------------------------------------

2021 July 12 : 8PM

WINNER : Amal Carmel Job

Congratulations...

🏆

സമ്മാനം:

Trophy +

അമലിനും കുടുംബത്തിനും ഒരു Grand Sunday Lunch വീട്ടിൽ എത്തിച്ചു നൽകുന്നതാണ്...

വായനശാലയുടെ പ്രവചന മത്സരത്തിൽ പങ്കെടുത്ത എല്ലാവർക്കും നന്ദി, അഭിനന്ദനങ്ങൾ...

Career Guidance : ദിശ 2021

ഇനിയെന്തു പഠിക്കണം? എന്താകണം?

ഉപരി പഠനത്തെക്കുറിച്ച് നമ്മുടെ കുട്ടികൾക്കും രക്ഷിതാക്കൾക്കും

ഒരുപാട് സംശയങ്ങൾ ഉണ്ടാകും. അവ ദൂരീകരിക്കുവാനും 

മികച്ച പഠന വഴികൾ തെരെഞ്ഞെടുക്കുവാനും  

നേതാജി വായനശാല സൗജന്യമായി ഒരു ക്ലാസ് ഒരുക്കിയിട്ടുണ്ട്.

ദിശ 2021

മാർഗ്ഗ നിർദ്ദേശക സെമിനാർ 

2021 ജൂലൈ 4  

9:30 AM TO 11 AM

കരിയർ ഗൈഡൻസ് രംഗത്ത് പ്രൊഫഷണൽ ആയ 

വ്യക്തിയാണ് ഈ ക്ലാസ്സ് നയിക്കുന്നത്, ശ്രീ. ജോമി P. L.  

നമ്മുടെ ചോദ്യങ്ങളും സംശയങ്ങളും അദ്ദേഹത്തോട് ചോദിക്കാം.

നിങ്ങളുടെ അഭിരുചിക്ക് ചേർന്ന ഏതെല്ലാം കോഴ്‌സുകൾ ഉണ്ട്, 

എപ്പോൾ അപേക്ഷിക്കണം, ജോലി സാധ്യതകൾ എന്തെല്ലാം... 

എല്ലാം ചർച്ച ചെയ്യാം...

10, 11, 12 ക്ലാസ്സുകളിലെ വിദ്യാർത്ഥികൾക്കും 

മക്കളുടെ ഭാവിയിൽ പ്രതീക്ഷയർപ്പിക്കുന്ന മാതാപിതാക്കൾക്കും

ഈ പരിപാടിയിലേക്ക് സ്വാഗതം. 

----------------------------------------------------------

ഇന്നത്തെ ക്ലാസ്സിൽ എഴുപതോളം പേർ Join ചെയ്തു.

പങ്കെടുത്ത എല്ലാവർക്കും നന്ദി.